Er vorið komið?

Já, já, já, ég ER með þetta á heilanum:)

Og er örugglega ekki ein um það.

Á föstudagskvöldið gleymdi ég tímanum alveg er ég fór út í garð eftir vinnu og var þar í 3 klukkutíma:) Það var stillt og milt veður ...alveg logn, þvílík sæla! Ég held ekki finnist betri hugleiðsla sú sem felst í góðri útivist með sjálfum sér.

En ég sannfærðist fyrst í gær, í sólinni og 11 stiga hitanum hér í Hveró, að vorið væri komið.

 

Ég gat stússast úti í garði langerma bol á þess að verða kalt.  Og tók myndir úr garðinum.

Ég tók myndir 13. apríl, og sjáið til samanburðar hvernig þær litu út!

Ég vil óska ykkur öllum gleðilegs sumars og þakka fyrir veturinn.

Verð ekkert hér fyrr en eftir rúma viku.

Bless í bili......

 

 

 

 

 

Athugasemdir

[Högni Jóhann Sigurjónsson, 20.4.2008 kl. 17:11]

Logn í Hveragerði, nei nú lýgurðu.

[Steingerður Steinarsdóttir, 20.4.2008 kl. 18:21]

Það er svo æðislegt að sjá fyrstu sprotana gægjast upp úr moldinni.

[Eyþór Árnason, 20.4.2008 kl. 22:53]

Þú ert ekki ein um að bíða eftir vorinu...og mér sýnist að garðurinn þinn sé í stuði. Kveðja

[Eva Benjamínsdóttir, 21.4.2008 kl. 15:35]

Hæ Linda mín, gott að sjá vorið koma til þín, eins gerði það til mín. Æ, já mikið er nú gott að geta létt sig þungum vetrarklæðum og notið lífsins með blómum og fuglum. Ég sá yndislega fallega, feita, stóra randaflugu í fyrradag, um leið og krókusarnir opnuðu sig. Það er ekkert um að villast, þetta er sú sama ár eftir ár....vorið er komið!

Gleðilegt sumar

[Lára Hanna Einarsdóttir, 21.4.2008 kl. 16:06]

Sælir verið Hvergerðingar og aðrir.

Mig langar að láta vita af fundi sem verður í Grunnskólanum í Hveragerði í kvöld, mánudagskvöld, klukkan 20
um virkjanir á Hellisheiði og þá einkum hina umdeildu Bitruvirkjun. Vonandi geta sem flestir mætt, þessi virkjun
kæmi til með að hafa mjög mikil áhrif á lífsgæði Hvergerðinga - til hins verra!

Drög að dagskrá:

1)       Setning fundar og farið yfir fundarefnið.
2)       OR kynnir verkefnið “Bitruvirkjun” og almennt áform sín á Hellisheiði.
3)       Kynning á sjónarmiðum, fyrirvörum og áhyggjuefnum Hveragerðisbæjar.
4)       Sjónarmið náttúruverndarsinna – t.d. fulltrúi frá Landvernd.
5)       Umræður og fyrirspurnir – gæti verið panell frummælenda.

[Linda Samsonar Gísladóttir, 21.4.2008 kl. 22:31]

Æi Lára Hanna..... ég var of sein að lesa þetta, klukkan að verða 22:30.

Vonandi gefst mér annað tækifæri, því ég vil enga Bitruvikjun! 

Skrifaði nafnið mitt reyndar á einhvern lista á netinu fyrir svolitlum tíma, en hef ekkert heyrt síðan.

Vonandi mættu margir á þennan fund, ég sá hann hvergi auglýsinguna !

Kær kveðja, 

[Linda Samsonar Gísladóttir, 21.4.2008 kl. 22:37]

Högni..... ég veit að þetta er lyginni líkast..... en ég segi ALLTAF satt:)  Og hana nú! Hahahahaha....

[Guðni Már Henningsson, 21.4.2008 kl. 22:56]

Mig langar að sjá garðinn þinn....hver veit nema að maður fari í langferð í sumar!!! Til hamingju með að lífið er að kvikna í garðinum þínum...

[Lára Hanna Einarsdóttir, 22.4.2008 kl. 21:16]

Ég fór á fundinn og hann var mjög athyglisverður. Aldís, bæjarstjórinn ykkar, skrifaði ágætan pistil um hann á síðunni sinni, www.aldis.is.

Ég er með alla umfjöllun um fundinn sem ég fann úr útvarpinu í morgun inni á tónlistarspilaranum á bloggsíðunni minni, auk tveggja viðtala úr Speglinum frá í nóvember þar sem rætt er við sérfræðinga um eituráhrif brennisteinsvetnis. Mjög fróðlegt og í ljósi þess að ef Bitruvirkjun verður reist mun brennisteinsvetni flæða yfir Hvergerðinga í meira magni en aðra íbúa á suðvesturhorninu.

Kíktu endilega til mín og hlustaðu.

[Linda Samsonar Gísladóttir, 22.4.2008 kl. 21:32]

Takk fyrir Lára Hanna, ég kíki ábyggilega.

Og Guðni, það er nú kannske ekki mikið á sjá, en þú ert velkominn ef þú hyggur á slíka langferð í sumar:)

Ég er í símaskránni:) 

[Sigurlaug B. Gröndal, 24.4.2008 kl. 11:54]

Vorið er komið og sumarið á leiðinni. Jú, ég trúi því vel að það er logní Hveragerði. Kem þangað oft. Það er hægt að láta allt vaxa og dafna þar. Gleðilegt sumar Linda mín og takk fyrir veturinn.

[Steinunn Helga Sigurðardóttir, 27.4.2008 kl. 12:58]

þetta er svo yndislegur tími. hérna er núna 20 stiga hiti og ég sit inni í tölvunni, þetta er ekki hægt ætla út

hafðu fallegasta sunnudaginn

steina