Hveragerði - Bær sem verður er heimsóknar - My hometown, Hveragerdi

 

Á næstunni hyggst ég setja hér inn myndir frá Hveragerði.

Langar mig að kynna fyrir ykkur, sem hingað lítið inn, hve fallegur og skemmtilegur bærinn minn er, um leið og ég hvet ykkur til að koma í heimsókn til að skoða það sem hann hefur uppá að bjóða.

   

Helgina 19. - 22. ágúst verða Blómstrandi dagar, árleg uppskeruhátíð okkar, með blómum, markaði, brekkusöng og flugeldum. Þá er kemur fólk allstaðar frá til að gleðjast með okkur og skemmta sér.

Þeir sem vilja tjalda geta komið sér vel fyrir á tjaldsvæðinu og sundlaugin okkar í Laugarskarði,  er skammt undan. 

 Manndrápshver skoðaður. Óhugnanlegur atburður við þennan hver varð til þess að fyrsta götulýsing á Íslandi, utan Reykjavíkur, var sett upp. 

 Eggin soðin í neti og spjallað saman á meðan. 

 Þetta er unaðsleg reynsla ..... að finna leirinn smjúga milli tánna..... minnir á drullumall á bernskudögum.  A lovely experience having ones feet in geothermal mud. 

Hafið þið skoðað hverasvæðið sem er í hjarta Hveragerðis? Þar er opið virka daga frá, að mig minnir, kl. 12:00 - 18:00 ( leiðréttið mig ef þetta er vitlaust ;) og á laugardögum til 16:00 og ókeypis inn.  Ekki veit ég annan bæ í veröldinni, sem hefur slíkt háhitasvæði mitt í íbúðabyggð. Þarna eru merkilegir hverir með aldagamla sögu, sem skráð er á skilti við hvern hver ásamt frekari upplýsingum um hverina. Hægt er að fá að sjóða egg í bullheitu vatninu, fara í fótabað í hveraleir og í heita vatninu og smakka á sætu og gljúpu hverabrauði, nýseyddu í einum hveranna á svæðinu. Eggin koma frá landnámshænum, sem numið hafa land þarna og búa við hlið gróðurhússins á hverasvæðinu. 

 

 Verið velkomin í Hveragerði ..... og fylgist með, ég mun setja inn fleiri myndir á næstunni.  

Ætla ég meðal annars að gægjast inn í garða hér í þorpinu og setja myndir af þeim gægjum hér....... vona að mér verði vel tekið við þá iðju mína:)

 

Kveðja úr Hveró