Flensan og fallegir garðar

Undanfarna daga hef ég legið í flensu og látið mér leiðast. Maður gerir ekki margt með beinverki, höfuðverk og síhóstandi.

Svo ég hef litið stund og stund á netið á eitt af því, sem bregst ekki þegar ég þarf að hressa aðeins uppá andann.

Ég hef vafrað og skoðað garða á vefnum. Grænkan og gróðurinn sem blasir við manni er maður skoðar þessar síður, eru sem vellíðunarlyf og slá leiðindunum á frest á meðan.

Og til að deila einhverju af þessu með ykkur, þá setti ég tengla fyrir ykkur að kíkja á.

Ég hef verið svo lánsöm að koma í Alhambra höllina í Granadaborg á Spáni, fyrir mörgum árum. Sú lífsreynsla líður mér aldrei úr minni, svo fagur og exotískur var garðurinn þar.  Márar kunnu sannarlega eitthvað fyrir sér. 

Seinna skoðaði ég nokkra garða á Englandi, og stendur Stourhead þar uppúr. Ég mæli með þeim garði fyrir alla sem vilja og geta farið þangað. 

Fyrir foreldra með börn á ferðalagi um England, mæli ég með Longleat garðinum. Hann er allt í senn, safari garður, leikjagarður og safn. Það þarf allan daginn og meira til að njóta hans til fulls. Og maður ÞARF ekki að vera með börn með sér til að hafa gaman að honum.

Ég veit að ég er farin að hljóma eins og sölubæklingur fyrir garða á Englandi, en vil telja einn garð til, Dyrham park.  Þar getur maður skoðaða alvöru Herragarð og séð hvernig fyrirfólkið annars vegar lifði og hvernig aðstaða þjónustufólksins var.  Og svo er garðurinn líka augnayndi.  

Einn er sá garður, sem ég ætla EKKI að benda á..... hmmm, nefnilega minn eigin.  Hann á enn mörg ár í að verða flottur, enda kostar það blóð svita og tár ....og peninga, að gera gamlan niðurníddan garð upp svo vit sé í. 

Verðugt verkefni fyrir mig. Og eitthvað til að hlakka til.

 

Athugasemdir

[Ólafur fannberg, 12.2.2008 kl. 17:57]

Ég skoða bara neðansjávargarða hehehe

[Kolgrima, 12.2.2008 kl. 18:13]

Ég er á leiðinni til London í haust

[Þorsteinn Valur Baldvinsson, 13.2.2008 kl. 00:55]

Gangi þér vel með garðinn Linda, er sjálfur hlynntari möl, hellum og malbiki á lítilli lóð.

Búin að eiða of mörgum dýrmætum stundum í að slá gras eins og asni.

[Steinunn Helga Sigurðardóttir, 13.2.2008 kl. 15:02]

ég elska gardinn minn, og allt thad líf sem er í honum. stór gømul falleg tré, og fuglalífid alveg frábært thrátt fyrir ad vid eigum 4 ketti og hund !

ég hlakka svo til í sumar ad eida tíma í grasinu og bedunum !

vonandi fer thér ad batna flensan kæra linda.

Bless í dag

steina