Uppfærsla á : Er ég algjör auli eða hvað? Ég væri það ef ég andmælti ekki þessu óhemju OKRI !

 

Ég var lasin heima og fór að líta á bókhaldið í bankanum mínum. Skoða hvað ég er að greiða hverjum og hve mikið. Fá einhvers konar heildarsýn á fjármálin. (Það má alltaf reyna)

Sé í allri reikningabeðjunni að ég er að greiða þremur fyrirtækjum fyrir orkuna á heimilinu og finnst það eitthvað skrítið.

Ég greiddi orkusölunni tæpar 7.000 krónur, Rarik tæpar 9000 krónur og Orkuveitunni rúmar 5000 krónur.

Bíðum nú við, ég greiði fyrir hita og rafmagn..... fyrir hvaða orku er ég þá að greiða með þriðja reikningnum, eða hvaða reikningi er ofaukið?  Og af hverju í ósköpunum var ég ekki búin að athuga þetta fyrr? Duh , auli! myndu krakkarnir nú segja við mig, ekki satt?

Þetta hefur eitthvað með það að segja að það urðu einhverjar tilfæringar hér í bænum (Hveragerði) með orkusölu og þegar eitt fyriræki kom inn í stað annars, lítur út fyrir að  gamla fyrirtækið  hafi haldið áfram að senda reikninga.... en hver skaffar orkuna?  Hverjum á að greiða....?????

Kannast einhver við svipað og þetta og, eða, veit skýringuna á þremur reikningum fyrir tvenns konar orku?

Mér þætti frólegt og vænt um að vita það.

Hef reyndar sent tveimur af þessum fyrirtækjum tölvupóst með beiðni um útskýringar og bíð spennt eftir svörum.  Bæti þeim hér aftan við er þau berast.....

 Kveðja, að sinni úr Hveró:)

Hér að neða skeytti ég svar sem ég fékk frá Rarik ....takið eftir hækkuninni milli mánaða!!! (og á ári)

Orkusalan hefur ekki svarað mér en hér kemur svar frá Rarik. 

RARIK sér um dreifingu á rafmagni en ekki notkun á rafmagni. Til okkar ertu að greiða dreifingu og mælagjaldið. Ég sendi þér hér yfirlit frá febrúar 2008-febrúar 2009.

 

			----
Kröfueigandi: 01 RARIK raforkudreifing -
Valin notkunarstaður: Allir
Dags frá: 01.02.2008 til 28.02.2009
Reiknnr	Notkstnr	Notkunarstaður	Útgdags.	Gjalddagi	Uppgrdagur	Upphæð	Eftirstöðvar.	Kröfueigandi
7996892	2043427	Borgarheiði 8H	9.2.2008	5.3.2008	5.3.2008	2.679	0	RARIK raforkudreifing
8066676	2043427	Borgarheiði 8H	8.3.2008	3.4.2008	3.4.2008	2.967	0	RARIK raforkudreifing
8135273	2043427	Borgarheiði 8H	13.4.2008	5.5.2008	5.5.2008	2.868	0	RARIK raforkudreifing
8203649	2043427	Borgarheiði 8H	11.5.2008	4.6.2008	4.6.2008	2.967	0	RARIK raforkudreifing
8271254	2043427	Borgarheiði 8H	8.6.2008	3.7.2008	3.7.2008	2.868	0	RARIK raforkudreifing
8340681	2043427	Borgarheiði 8H	5.7.2008	6.8.2008	6.8.2008	2.967	0	RARIK raforkudreifing
8411099	2043427	Borgarheiði 8H	10.8.2008	3.9.2008	3.9.2008	3.140	0	RARIK raforkudreifing
8481272	2043427	Borgarheiði 8H	6.9.2008	3.10.2008	3.10.2008	3.040	0	RARIK raforkudreifing
8550852	2043427	Borgarheiði 8H	5.10.2008	5.11.2008	5.11.2008	3.146	0	RARIK raforkudreifing
8620456	2043427	Borgarheiði 8H	8.11.2008	3.12.2008	3.12.2008	3.040	0	RARIK raforkudreifing
8689684	2043427	Borgarheiði 8H	6.12.2008	6.1.2009	6.1.2009	3.041	0	RARIK raforkudreifing
8761248	2043427	Borgarheiði 8H	10.1.2009	3.2.2009		8.785	8.785	RARIK raforkudreifing

Eftirmál....

Ég fékk þá skýringu að  ofangreind upphæð væri vegna aukinnar rafmagnsnotkunar hjá mér, en eftir stendur að það er dýrara að flytja til mín rafmagn, heldur en rafmagnið sjálft. Finnst mér það skrítið.

Og nenni ég svo ekki að viðra þetta frekar.

 

 

Athugasemdir

[Ingibjörg Hinriksdóttir, 31.1.2009 kl. 01:31]

Sæl Linda,

getur verið að eitt fyrirtækið sjái um hitann hjá þér, annað fyrirtækið framleiði orkuna og það þriðja sjái um að flytja orkuna til þín (Orkusalan)? Passaðu þig svo á því að fá ekki seðilgjöld á allt saman!

[Helga Kristjánsdóttir, 31.1.2009 kl. 02:08]

Hæ! Sá þetta í kvöld,ætlaði að spyrja vinkonu mína sem býr þarna,hvort þessu er þannig háttað hjá henni, en náði ekki.  Já gott þú fórst að róta í þessu. Ingibjörg áminnir þig að borga ekki seðilgjöld er búið að afnema þau?  kveðja.

[Högni Jóhann Sigurjónsson, 1.2.2009 kl. 14:41]

Orkuveita Reykjavíkur er með hitann, Orkusalan selur þér rafmagnið og Rarik flytur rafmagnið frá virkjunn til þín, þökkum Margréti Sverrisdóttur þetta okur og þessa vitleysu sem er í gangi með Orkusöluna og Rarik.

[Linda Samsonar Gísladóttir, 1.2.2009 kl. 15:13]

Takk fyrir Högni..... alveg ótrúleg steypa, eins og krakkarnir segja!

Óþolandi vitleysa.

[Högni Jóhann Sigurjónsson, 2.2.2009 kl. 20:51]

Sæl Linda, það segir sig alveg sjálft að um áramótin hefur einhver hjá RARIK fengið hugmynd að sparnaði og það góða, jú sjáðu nú rukka þeir bara þig fyrir 8V og 8H og þurfa því ekki að senda tvo seðla.....

Athugaðu svo annað, þessi fyrirtæki þ.e. Orkusalan og Rarik eiga að heita aðskilin enn EF það er sínhvor manneskjan sem fær tölvupóstana frá þér þá sitja þær örugglega við sama borðið.

Reikningarnir fyrir orkuna og flutninginn eru yfirleitt mjög svipaðir, hjá mér allavega.