Funhiti í Reykjafjalli ofan Hveragerðis

Ég fór í vikunni upp í fjall að skoða hitann fyrir ofan Friðarstaði, en þar eru komnir all margir hverir mis hátt í hlíðinni. Brölti ég þangað uppeftir í vikunni og tók myndir.

Svo leit ég uppeftir seinnipartinn í dag og tók nokkrar litlar myndir sem fylgja hér með.

Á litlu myndinni má sjá hverina uppi í hlíðum Reykjafjalls. Ef vel er að gáð, má sjá tvo stóra, tvo litla á milli þeirra og einn lítinn aðeins neðar og hærgra megin við þá. Þeir eru hvítleitari en umhverfið. Neðar og vinstra megin er svo talsverð gufa uppaf svæði sem ég kalla Litla hverasvæðið, en það er mjög fallegt.

Á annarri mynd var ég nánast ofaní stærsta hvernum uppi í fjallshlíðinni, þarna er mjög skriðubratt og ekki þægilegt að komast að. En útsýnið er frábært!

Þriðja og fjórða myndin er frá litla hverasvæðinu. Þarna voru nokkrir hverir á kafi því rigningar undanfarinna daga hafa kaffært þá. Mjög falleg litbrigði eru þarna. Ekki er komandi nógu nærri til að kasta áreiðanlegri tölu á hverina þarna en þeir eru ábyggilega í kring um tuttugu talsins, ef ekki fleiri.

Athugasemdir

[Torfi Kristján Stefánsson, 23.10.2009 kl. 10:44]

Flottar myndir Linda! Það er greinilega enn sumar á Íslandi!

[Linda Samsonar Gísladóttir, 27.10.2009 kl. 19:43]

Takk fyrir Torfi.

Ég veit nú ekki með sumarið..... alla vega er veðrið ekkert sumarlegt.

En maður gleðst yfir björtum dögum, þó kuldinn bíti svolítið.