Ég ætla EKKI að skrifa um fjármálkreppuna eða tengt efni.....

 ....hef hugsað mér að láta aðra og meiri spekulanta á því sviði (ja, eða ekki;), sjá alfarið um það.

Mig langar að vera á jákvæðu nótunum því nóg er af myrkrinu og svartagallsrausinu í kring um okkur alla daga. 

 Eins og venjulega hef ég verið að taka myndir hægri vinstri af haustlitum og náttúrufegurðinni í kring um mig. Ég fæ ekki nóg af því, sem náttúran hefur uppá að bjóða. Þetta heldur mér nokkurn vegin heilli andlega (tókuð þið eftir þessu "nokkurn vegin", ha?;). 

Ekki láta svartsýnina ná tökum á ykkur, hún gerir bara illt verra.

Góða helgi.

 

Svona litu Maíeplin, sem ég skrifaði um í maí, út í september. Eldrauð og falleg, fimm talsins.

 

 

 

 

 

 

 

 

 

 

 

 

 

Reynitré eru víða án laufblaða en þakin berjum..... skrautleg  sjón

 

 

 

 

 

 

 

 

 

 

 

Í hlíðum Reykjafjalls er göngustígur, sem er alltaf gaman að fara. Sumstaðar greinist stígurinn í sundur og liggur svo saman aftur. 

Og sólin gyllir gulnuð strá............ konan er að verða skáldmælt;)

 

 

 

 

 

 

 

 

 

 

 

  

 

 

 

 

 

 

 

 

Athugasemdir

[Sigurlaug B. Gröndal, 6.10.2008 kl. 09:24]

Ofsalega eru myndirnar fallegar Linda. Það er mun skemmtilegra að lesa svona blogg og skoða þessa fallegur myndir en að lesa meira eða minna um tilvonandi afhausanir á mús og mönnum hér og þar vegna ýmissa ætlaðra misgjörða.  Yndislegar myndir! Endilega haltu áfram að birta myndir. Knús og kveðjur á þig Linda mín.

[Steingerður Steinarsdóttir, 7.10.2008 kl. 09:29]

Vá, dýrðlegar myndir. Já, það veitti ekki af að minna mann á fegurðina allt í kringum mann akkúrat núna.

[Jóna Á. Gísladóttir, 7.10.2008 kl. 18:43]

Vá! mikið eru þetta fallegar myndir. Reynitréin með berjunum eru auðvitað alveg stórkostlega skemmtileg sjón.

Ég er sammála þér, við verðum að halda í það jákvæða og ekki láta svartsýnina ná tökum á okkur.

[Baldur (IP-tala skráð) 8.10.2008 kl. 22:10]

Flottar myndir verð ég segja og ró friður yfir þeim gangi þér vel

[Guðni Már Henningsson, 9.10.2008 kl. 10:07]

Þú ert dásamleg

[Eva Benjamínsdóttir, 9.10.2008 kl. 11:10]

Dásamlegar myndir Linda mín, áfram með smjörið...drýpur það ekki af hverju strái, einhver sagði það einhverntíman.

Um að gera að sjá ljósið í myrkrinu. Knús á þig

[Linda Samsonar Gísladóttir, 9.10.2008 kl. 15:40]

Ég þakka ykkur öllum "innlitið" og góðar kveðjur, knús og óskir mér til handa.  Ég er enn við sama heygarðhornið og skammast mín ekkert fyrir. Vinur minn einn, sem mér er mjög kær, gefur nú ekki mikið fyrir svona Pollýönnuhugsunarhátt ...... hahahaha ..... en ég held að Pollýanna hafi nú haft mikið til síns máls.  Haldið áfram ykkar striki því við erum öll gædd mikilli aðlögunarhæfni og nú fáum við tækifæri til að sýna seigluna sem í okkur býr:)

Linda